鮨政 (已結業)

鯛魚拉麵💛拉麵嘅湯底好重要，依度就煮得好好，好清甜，唔油膩，但好香魚味，真係用鯛魚慢慢去熬煮出嚟，拉麵嘅麵質亦都係好好，真係日本拉麵，煙煙韌韌，唔會太硬，成個都好好食。炸蝦天婦羅卷🧡呢個完全就係炸蝦天婦羅放入壽司入邊，但係配搭得好好，原隻既炸蝦好鮮嫩，外皮又脆，最好食係個蝦頭，成個都係脆嘅，放入壽司入邊同啲飯一齊食好滿足。燒鰻魚玉子燒❤️呢個係升級版嘅玉子燒，本身佢啲蛋已經整得好好，甜甜地，再放埋燒到好香嘅鰻魚喺入邊，食到魚肉嘅香味，亦都食到蛋既蛋香，配搭得非常適合。鹽燒車海老💙呢個係燒原隻嘅車海老，車海老係日本一隻好出名嘅蝦，好大隻，呢度亦都好新鮮，係日本直送即燒，所以好鮮味，蝦肉好彈牙，外殼燒到好脆，只係落咗少少鹽已經好夠味。