微酵烘焙 (世貿中心) (已結業)

經過世貿見到有間麵包店Share le Pain，除左麵包，仲有share tea 飲品，行到攰攰地坐低飲野休息下。台茶18號紅玉 $35，要左微糖，茶太甜會好怪，呢個剛剛好，見到有個茶包係裡面。朋友叫左珍珠鮮奶茶 $36，都係微糖，珍珠有甜味，甜度剛好。我同朋友都喜歡吃麵包，我地加埋晒買左5款。即場食左個招牌三文治 $22，呢個有d 似台灣個個三文治，裡面有日式甜牛油、火腿、雞蛋同特製醬，個麵包好軟綿綿，不錯。朱古力髒髒包 $39，超巨型的髒髒包，之前我係台灣食過，細細個都要20幾蚊港幣，呢個size $39 確實唔貴，而且台灣個個都唔係真係好好味，個朱古力味好假，反而呢個朱古力味好濃，用左70%比利時松露朱古力，難怪咁好味。蒜香煙肉軟包 $28，有香蒜醬、煙肉、芝士粉同香芹碎，包多了幾層口感和味道，好香口。芝士金磚 $19，長型的麵包上有芝士醬，麵包柔軟，但朋友就覺得味道一般。酥烤羅宋 $24，第一次見羅宋麵包也是在台灣的麵包店，這間店實在好台式，讓人懷念的味道。雞蛋、牛油、牛奶同奶油。最普通的材料，做出最不花巧，簡單的滋味。