孖寶薄餅屋 (已搬遷) 新店位置

好似中學到依家咁耐都無點加過價。記得以前同幾位同學到孖寶堂食個青蔥歲月。今次都依然食飯抵食套餐，揀左個最飽組合-意粉配pizza。依家外賣自取有八折，所以pizza加意粉外賣自取只係37蚊。多人嘅話可以試下佢其他唔同嘅套餐，佢嘅牛腩都相當唔錯架。可以見到肉醬意粉裝滿成個外賣盒。味道都唔錯架，可惜薄餅味道比以前差左，但係一個男仔黎講一定會飽。因為好想食佢個薯條，所以額外叫左一個滿地可薯條。佢個薯條唔係好脆，但係配埋芝士同牛肉汁就好好食。