Cafe Paradise (已結業)

睇返舊相，想起曾經到過呢間充滿金句的Cafe。小小cafe，卻常常排長龍，一定有所原因。店內的signature一定是仿挪亞方舟的座位，0係上面食野，別有一番風味。餐桌上都不難發現金句卡，比人食物以外的力量。餐廳除左Set Dinner，整個Menu內的主食都可以轉做Set。點餐後餐包馬上送上，熱辣辣頂頂肚。記得餐湯是磨菇湯，濃濃磨菇味又浮現上來。主菜我選了一客比較light的煙三文魚蜆肉天使麵。記得呢個天使麵為我地帶來唔少驚喜。煙三文魚軟滑，煙勳味濃。蜆肉新鮮不在話下，天使麵中仲混入了粒粒鮮菇，醬汁creamy，口感好豐富。另一樣能夠impress我的就是洛神花茶，原煲連燭台上，可以保持溫度，慢慢細意品嘗。十分有誠意的舉動。最後跟餐的甜品都十分有心思。食物味道不俗，配無限的心思和誠意，難怪甘多人排隊。