畔溪海鮮酒家 (已結業)

真係好多好多年未o黎過，因為地點好唔就腳。不過今次fd係度擺雙滿月酒，當然要俾面。比一個月前，係尖咀的聚德軒，呢度好好多。因為大家都係擺滿月酒，菜式都差不多，有得比較之下，呢度大部份菜式都唔錯，當然大家價錢有別，不過材料好之外，仲有廚師的手藝都好緊要。乳豬全體除了夠脆外，最特別是配乳豬食的包皮，面頭佈滿黑白芝麻，好夠香。雞絲翅-雖然魚翅多少是重要，但我覺得最緊要係唔好糊狀，淨係食到漿粉開，這裡算是的恰到好處。炸蝦及炸蟹丸，買相好金黃，睇得出係即炸，食落亦好香脆。老虎斑-雖然大條，但魚肉不會好老及韌，幾嫩口。另外幾道菜，亦不弱，最緊要係茨汁唔多。干燒伊麵同荷葉飯，朋友就贊伊麵好食，我就認為荷葉飯好，除了D飯吸晒荷葉香味之外，飯都幾爽身。甜品係唔係普通的紅豆沙，而係紫米露，材料雖不算太多，但好夠味又唔會好甜。最後美點雙輝是牛油cookie同笑口棗夠鬆脆，都幾有水準，唔係行貨。