高麗軒韓國料理 (已結業)

睇完openrice d comment，最後揀咗呢間超多好評嘅韓燒。大多數人都建議加錢食好d，我地都唔例外。最後發現基本上如果唔加錢食物只值一粒星。海鮮唔新鮮，d肉一係太硬一係就唔新鮮。講真，有d 百零蚊任食仲多選擇過佢，好食過佢，新鮮過佢。地點係原因之一吧，貴租，所以所有野都要將貨就價，或者係因為咁啩。但係作為一個想食韓燒而去食嘅人嚟講就真係非常失望。唯一可以食嘅係牛肋骨。冇錯，加錢先有得食。牛舌太厚又韌，牛頸肉真係唔得，點燒都似柴支。飲品選擇少，服務只能算不過不失。勤快，但6點未有客時企晒喺度傾計，舉手揮手都冇用，要出聲嗌... 總結，唔會返轉頭，唔會推薦俾朋友。