Cafe Paradise (東寶大廈) (已結業)

抵食cafe小店Friday night同朋友食大餐，餐廳唔算太大但坐得都幾舒服，環境cozy又溫馨。同朋友各自叫左dinner set share來食。朋友叫香脆豬手，皮燒到好脆，肉肥瘦相間幾有層次仲爆汁，分量都幾大有兩塊豬手，正常女仔可能食唔晒。配嘅燒汁其實唔太需要因為本身已經好夠味。美國豬鞍肉就更加juicy，有陣幾香嘅煙熏味，配左黑莓蜜糖汁都幾襯，肉嘅質素都十分驚喜。得一塊肉，分量對我就岩岩好，男仔可能唔太夠飽。每個dinner set都有配餐湯，沙律，甜品同嘢飲。今日餐湯係蜆肉忌廉湯，蜆肉味幾出。甜品係黑加侖子啫喱，有配少少忌廉令到味道更加豐富，值得一提甜品配嘅餐具好得意！飲品方面我地叫左洛神花茶同熱榛子鮮奶，洛神花茶係會用蠟燭keep加熱嘅，所以茶一直都係熱嘅，十分細心。榛子鮮奶相對比較普通，同埋需要快啲飲因為好快凍晒。總體來講今次用餐體驗十分滿意，食物質素好高，價錢合理，服務都好好，見到我地share洛神花茶主動幫我地拎多個杯。絕對值得推薦，相信我地好快會再來食！