靚煲皇 (已結業)

呢晚好有慶至打邊爐, 雖然坊間好多任食邊爐好抵, 但我都係想散叫, 因為食材比較高質同新鮮, 所以約埋D朋友黎靚煲皇.等緊個煲滾既時候, 要左個炸蝦丸熟食醫住肚先.炸蝦丸炸到金黃色, 夠乾身唔油膩. 咬落外表夠香脆, 蝦丸夠爽口彈牙, 開胃小食唔錯.邊爐料既即炸響令, 呢度既炸野確係唔錯, 炸完唔油, 而且鬆脆.豬頸肉紋里平均, 唔會太肥, 入口軟腍, 唔鞋口, 肉味濃香. 厚薄適中, 唔會滾到韌晒都未食得.仲有貢丸都係好彈牙爽口, 無雪藏味, 夠新鮮.個豬骨煲湯底好多材料, 豬骨味香濃, 味道唔會太咸, 食完無口乾.