影片
更多
2019-11-29
587 浏览
今日同另一個🐢🍯寶寶食生日飯，呢個寶寶最鐘意食重慶麻辣鍋，於是同佢嚟呢間食生日飯。第一件事就係嗌個麻辣鍋啦，而為左食菜當然要嗌埋個唔辣嘅鍋。我地嗌左個普通辣，辣度岩岩好，淥嘢唔洗再點醬油。而另一個湯底就揀左個雜菌，真係好清甜，好香菇味，淥完啲嘢更突顯到啲食物本身嘅鮮甜味。正式開始食之前，餐廳會各送一杯酸梅湯同雪耳糖水。我原本唔喜歡酸梅湯陣味，但呢間煲出嚟我又覺得好好飲，飯前飲開胃，飯後飲解膩解辣。而我最鐘意佢送嘅雪耳糖水，因為好清，唔會太甜，又潤喉解辣，所以我都煲留返最後食。今次嗌左個沙巴龍躉，好大塊，厚度岩岩好，啖啖肉，擺喺菇湯底會更加鮮甜。因為🐢🍯唔食有骨嘅魚，所以我就嗌左半份白鱔片俾自己自私食，因為我好鐘意佢夠爽脆。另外一樣就係珊瑚蚌，雖然佢外表唔討好，但係超爽，只係🐢🍯嫌佢有小小腥，要放喺辣果邊食。打邊爐唔少得蝦滑墨魚滑，所以一定要食，因為呢間呢兩隻滑都做得好好，好彈牙，中間仲有啲蝦肉或墨魚肉。肉類就揀左個豬肉，啲豬肉又係淥一淥就食得，好爽口，🐢🍯好滿意。另外就嗌左個滑牛，我覺得呢度嘅滑牛好食過肥牛好多，因為真係好滑，同個麻辣湯好夾。蔬菜類就嗌左蘿蔔冬瓜皇帝菜，菜同冬瓜落喺雜菇
第一件事就係嗌個麻辣鍋啦，而為左食菜當然要嗌埋個唔辣嘅鍋。我地嗌左個普通辣，辣度岩岩好，淥嘢唔洗再點醬油。而另一個湯底就揀左個雜菌，真係好清甜，好香菇味，淥完啲嘢更突顯到啲食物本身嘅鮮甜味。
正式開始食之前，餐廳會各送一杯酸梅湯同雪耳糖水。我原本唔喜歡酸梅湯陣味，但呢間煲出嚟我又覺得好好飲，飯前飲開胃，飯後飲解膩解辣。而我最鐘意佢送嘅雪耳糖水，因為好清，唔會太甜，又潤喉解辣，所以我都煲留返最後食。
今次嗌左個沙巴龍躉，好大塊，厚度岩岩好，啖啖肉，擺喺菇湯底會更加鮮甜。
因為🐢🍯唔食有骨嘅魚，所以我就嗌左半份白鱔片俾自己自私食，因為我好鐘意佢夠爽脆。
另外一樣就係珊瑚蚌，雖然佢外表唔討好，但係超爽，只係🐢🍯嫌佢有小小腥，要放喺辣果邊食。
打邊爐唔少得蝦滑墨魚滑，所以一定要食，因為呢間呢兩隻滑都做得好好，好彈牙，中間仲有啲蝦肉或墨魚肉。
肉類就揀左個豬肉，啲豬肉又係淥一淥就食得，好爽口，🐢🍯好滿意。
另外就嗌左個滑牛，我覺得呢度嘅滑牛好食過肥牛好多，因為真係好滑，同個麻辣湯好夾。
蔬菜類就嗌左蘿蔔冬瓜皇帝菜，菜同冬瓜落喺雜菇湯會甜上加甜。而蘿蔔落喺麻辣湯都反而顯出蘿蔔本身嘅甜，而且辣得刺激。
當然唔少得我地最愛嘅萵筍，🐢🍯萵筍片好食過萵筍條，因為快啲熟又快啲入味，又真喎🤣
到最後🐢🍯嗌左個糍粑做甜品，甜甜地，要趁熱食，如果唔係會冇咗煙煙韌韌嘅口感。
食完啲咁濃味嘅嘢，臨走記得攞返兩粒薄荷糖食啦！
张贴
