Nardo's Cafe (已結業)

香港租金昂貴令到樓上café越來越多，之前都試過好幾間，質素各異，有些環境好但食物唔好味，又或者各樣都好但價錢高，唔太適合一般年輕人，今日試左呢間各方面都唔錯的樓上café，裝修以紅白兩色為主，以各式各樣大家熟悉的公仔作擺設，仲有一個櫃放滿好多Board Game比客人玩，客人都以年輕人為多，但一D都唔覺嘈，想傾下計的客人都無問題，一位看似係老板娘的服務員好好人，比到客人親切的感覺，先黎個吉列海鮮拼盤，有炸魚柳、炸蝦、黃金蟹鉗、帶子、魷魚圏，份量都唔少，炸得好香脆，重要係唔會食到成口油，朋友係雞翼控，試左兩款唔同味道，雞翼大大隻，蒜香同蜜糖都夠入味，令佢非常滿足，主菜order左個黑松露海蝦帶子意大利飯，真係一D都唔吝嗇，基本上每啖飯都有黑松露，意大利飯煮得恰到好處，雖然已經好飽，但都忍唔住要將佢送哂入肚裡面，飲品方面有好多唔同的系列，仲有果茶、花茶、沙冰同多款特式飲品等等，總有一款啱口味，甜品都有三款餅選擇，不過要下次先可以再試了。