稻八日式火鍋炸物放題 (已結業)

今次同朋友去左稻八日式火鍋炸物放題打邊爐，日式火鍋都好正！湯底有好多種，我地揀左九洲豬骨濃湯，食牛肉就可以更突出。我地點左係$368日本國產黑毛和牛盛合！有好多款牛肉同埋種類都可以食呢！可以食到4種不同級數的牛，其中A4黑毛和牛係最高級數，有三個部位：牛肩肉，牛三角腩，肉眼上蓋。牛肉味好濃，配上濃骨湯更可以清楚食到牛肉既鮮美，食過番唔到轉頭。另外，惠顧$238或以上套餐會送牛白肉，呢個部位比較難食到，係牛的橫隔膜對上位置既肉，一隻牛只得約1kg，肉質爽口彈牙，但會有少許羶味，一般焯1分鐘，如怕羶味的話可焯2-3分鐘，這個實在值得一試。除此之外，肉類仲包豚肉、羊肉、雞肉，刺身、海鮮亦少不了，出面的自助吧都有林林總總的蔬菜可供選擇。仲有可以邊食邊玩既炸物區，自己食自己整，跟住指示操作自助炸爐十分簡單，就算沒有下廚經驗的朋友都可以試下玩，絕無失手，試整左炸蝦同蕃薯仔，都不錯，食到飽飽地不妨抖下玩一玩。最後當然少不了甜品，一杯Dreyer's，完美！