菜雍坊 (已結業)

7地點要係巷仔轉入去，都易搵。一行9個人，連甜品10個菜。炸淮山好香脆，炸豬腳肉質鮮美，唔肥唔Un. 豬皮嘅脆皮脆得過癮。個烏雞湯好足料，螺肉鮮甜，白蝦夠大隻，d汁用黎點饅頭都幾好食，蟮好長豉油好香。欖角鮮肉排好香口甜甜地有驚喜，上到隻燒雞雖然開始飽，因為個樣幾靚，都食咗幾件，魚肚青蔬林林地好入口，荷葉飯好香亦足料。蓮蓉焗布甸好正，侍應問我地仲要唔要免費甜品，我地齊聲唔洗啦，d餸好好味，我地都好滿意好飽。