御前牛盛日式涮涮鍋 (已結業)

喺旺角忘我地shopping了幾個鐘，忽然個肚咕咕聲地叫，望一望原來已經9點幾了，好在旺角乜嘢都方便，特別食店更加多不勝數，選擇了呢一間係因為9點後係另一個特價時段，任食放題每位只是$159,刺身亦加$30就有埋，勝價比非常之高湯底選擇多，不再只是清湯沙爹之類，這裡有 黑松露豆乳、豚骨湯、麻辣湯、椰子雞湯，我選擇了椰子雞湯底，嚟到嘅時候果然香氣噗鼻最正有個配料自助區除咗葱蒜蓉辣椒醬油外，更有生雞蛋、蔬菜、丸類、小食、飲品、雪糕等，林林總總應有盡有只係加$30就可以食埋刺身放題，咁抵點可以唔加呢 象拔蚌爽口之餘又彈牙、 泰式生蝦夠鮮夠甜加泰式醬汁提味更開胃、 赤蝦超大隻，忍唔住成條放入口，啖啖肉超滿足美國進口牛肉片~油脂多、色澤粉嫩入口甘甜加拿大牛肩胛~ 肉味濃厚，肉質鮮嫩帶有嚼勁，五六成半生熟的的牛肉配以生雞蛋的蛋汁同吃，令每片牛肉放進口中都鮮嫩無比其他配料繁多，海鮮類都有生蝦、廣島蠔等，絕無將貨就價，尤其欣賞呢度嘅厚切午餐肉最後一提的係呢度嘅服務店員都好友善，個個都掛着甜美的笑容，而且上菜及服務效率一流，讚讚讚