十和田總本店

Mark 低咗呢間好耐，終於等到同屋企人試⋯

炸蠔：蠔細到唔知佢係原隻定切粒，炸粉落得很慷慨。
三色刺身：灰白紅色嘅吞拿魚⋯質素跟目測成正比，很誠實～
竹莢魚刺身（十二薄片配酸汁）：曾經新鮮，但唔係食果陣
三色丼：特色豉油飯。

張枱真係好細。放完三色丼再上刺身就要執枱，上蠔又要執⋯

比元字頭好少少。限時用餐一個半小時，一個鐘走冇難度✌🏻。

好在老竇只須用兩蚊搭出嚟尖沙咀，如果唔係返屋企會俾阿妹話虐老。

Openrice 有過千好評噃!!!過千!!! 過千!!! 唔係唔信吓嘛!