籽樂廚房 (已結業)

一個人食飯既晚上黎到一個寧靜既樓上社企餐廳，有殘缺既人仕經常被社會標籤呢間餐廳正正為佢地提供平反既機會証明佢地都可以同正常人一樣。餐廳身穿黑色衫既係有聽障既職員送上餐牌既同時附上一張指引教食客用手語點餐，有dinner set同散叫，今次就點左4 course dinner set既龍蝦拼龍利柳。餐湯飲落好似係薯仔蕃薯忌廉湯但內裏又帶有少少海鮮清湯既味道，好有新鮮感，配上蒜蓉包烘得鬆脆又重蒜香牛油味。沙律有3款點左Parma ham黑醋沙律，火腿夾上哈密瓜一齊食哈密瓜既甜味將prama ham既風乾咸味温和。主菜用木板送上龍利柳下鋪上烤好既蔬菜同薯仔，龍利柳用黑椒作調味都幾重黑椒香，魚柳肉嫩滑龍蝦雖然唔算得上大隻但外面鋪滿香濃芝士，龍蝦肉彈牙唔靭仲有大大隻龍蝦鉗。甜品揀左朱古力布朗尼細細粒內裏果仁食落好香配上餐飲咖啡完美既配搭。性價比高，服務細心感覺有聽障既員工更細心同仔細。