湊湊火鍋‧茶憩 (K11購物藝術館)

营业中

休息中

兩日極端酷熱，又黃色暴雨，真係要入商場過過冷河，湊湊台式半自助午市套餐超抵$78起，一個人都可以黎個小火鍋♥️ 自助吧前菜、醬料、水果仼拎。午餐半價加配茶飲，推介大紅袍燕麥奶茶三分甜，燕麥粒粒有咬口，代替珍珠又可以自我感覺健康良好。是日主角：寶島慢煮蕃茄牛肉小火鍋，落雨天特別好食，茄湯香濃有加迷迭香，慢煮牛肉我俾十分，入味又軟嫩，啖啖都係幸福！配飯同烏冬都得，套餐有台式鴨血，滷豆腐，肉燥雜菜，滷水蛋（炸皮的！）自助吧今日有杏鮑菇同香辣凍魚皮，重點係仼食滷肉飯，熱辣辣新鮮煲起，滷肉汁好多肉碎，咸甜適中撈飯一流。今日水果有台灣芭樂、哈密瓜、西瓜，好甜好新鮮。跟餐有甜品：紅豆奶凍、菠蘿冰沙，好解暑，食完飽飽有番力。K11 Art Mall 湊湊啲梳化位有cushion墊腰坐得勁舒服，仲要播lounge music 🎶 係我杯茶。