滾得囍宮廷火鍋小炒 (已改名) 查看

天氣凍凍地，梗係要打邊爐啦，嚟到非常有驚喜嘅滾得囍，餐廳裝修係古色古香嘅宮廷風格為主，連上菜用具都好有氣派。康熙花膠雞湯鍋一個十分足料的湯鍋，一大塊花膠同埋一碟足半隻雞分開上，等你可以分開落，唔會因為食唔切而煮到過熟。可以慢慢食之餘仲可以慢飲下濃郁嘅花膠雞湯。花膠厚肉，而且愈煮就可以煮得淋，同埋膠質嘅感覺會更強烈，個人比較喜歡呢種口感。雞肉方面油脂平均，肉質都算滑。重點係煮到哂雞油出嚟後，湯底更好飲！本地牛肩脊滾得囍餃子拼盤10隻兩個人最啱就係叫拼盤，款款都有得食，一共有5款，無論邊款，餃子皮一啲都唔厚，而且餡料飽滿，隻隻脹卜卜，最推薦就係有一款用芋泥，好好味。滾得囍豐盛雜菜拼盤多種蔬菜組合而成，要飽肚啲嘅有粟米蕃茄，要吸下湯底味嘅就蘿蔔，菜都有兩款，真係落足料。黃金雙拼響鈴和炸魚皮配秘製鹹蛋黃醬呢個既可以當前菜，又可以當火鍋料。因為鹹蛋黃醬確實不能食到太多塊，亦可以直接落鍋普通邊爐食法。手打芝心牛肉丸手打丸最緊要爽口彈牙，加埋芝心，爆汁食嘅時間就要小心熱，好正。足料竹蔗茅根清甜解熱氣，打邊爐啱哂。