影片
更多
2023-03-18
102 浏览
呢個星期，氣溫徘徊在二十多度左右，短袖衫可以出動，不過仍無損大家打邊邊既興緻，都話吃火鍋是無分時節的喇~有人相約去豐生水起滾一滾，筆者首個印象以為是入大埔，孤漏寡聞既我真不知道原來在灣仔開設了分店。呢度既店主，係鼎鼎大名既陳國強師傅，好早時期在酒店工作已成名，摘下米芝蓮星星，所以佢主理既食店，絕對穩陣。等湯底滾起需要時間，最好吃住些小食慢慢等。炸魚皮香脆，還要是加入了咸蛋黃，邪惡度倍升，美味度亦然。避風塘鮮魷，爽彈唔韌，相當惹味，但就是不辣的，怕辣的朋友也可放心品嚐。湯底揀左黃湯鴛鴦花膠雞，問過店員，係老雞和三黃雞，結合豬骨、金華火腿、花膠及魚肚等打造而成的出品。入口的確是十分濃郁，仲有唔少花膠在內，男女都會喜歡，但其實魚肚這索味的東西，亦不能小覷。忘了多少年沒嚐過象拔蚌刺身，能在這裡回味真好。加拿大象拔蚌，爽脆鮮甜，輕輕沾上日本芥末及豉油，爽皮。有人偏好放入湯內淥一淥，我就覺得直接放入口，原汁原味最精彩。接住嚟份海鮮拼盤，用料全部係新鮮靚貨。大連鮑唔會韌，蟶子爽脆，扇貝鮮嫩，蠔夠鮑滿，海蝦爽脆，仲有口感尚佳的龍躉片，一個海鮮拼盤滿足多個願望。幾個都是食肉獸，當然會有多碟牛肉出現，否則
呢個星期，氣溫徘徊在二十多度左右，短袖衫可以出動，不過仍無損大家打邊邊既興緻，都話吃火鍋是無分時節的喇~有人相約去豐生水起滾一滾，筆者首個印象以為是入大埔，孤漏寡聞既我真不知道原來在灣仔開設了分店。
呢度既店主，係鼎鼎大名既陳國強師傅，好早時期在酒店工作已成名，摘下米芝蓮星星，所以佢主理既食店，絕對穩陣。
等湯底滾起需要時間，最好吃住些小食慢慢等。炸魚皮香脆，還要是加入了咸蛋黃，邪惡度倍升，美味度亦然。
避風塘鮮魷，爽彈唔韌，相當惹味，但就是不辣的，怕辣的朋友也可放心品嚐。
湯底揀左黃湯鴛鴦花膠雞，問過店員，係老雞和三黃雞，結合豬骨、金華火腿、花膠及魚肚等打造而成的出品。入口的確是十分濃郁，仲有唔少花膠在內，男女都會喜歡，但其實魚肚這索味的東西，亦不能小覷。
忘了多少年沒嚐過象拔蚌刺身，能在這裡回味真好。加拿大象拔蚌，爽脆鮮甜，輕輕沾上日本芥末及豉油，爽皮。有人偏好放入湯內淥一淥，我就覺得直接放入口，原汁原味最精彩。
接住嚟份海鮮拼盤，用料全部係新鮮靚貨。大連鮑唔會韌，蟶子爽脆，扇貝鮮嫩，蠔夠鮑滿，海蝦爽脆，仲有口感尚佳的龍躉片，一個海鮮拼盤滿足多個願望。
幾個都是食肉獸，當然會有多碟牛肉出現，否則會對唔住個湯底 (藉口!!!)。
今次放棄了常吃的牛頸脊，皆因發現呢度有多款勾鑽部位，腩頭腩邊、挽手、冚心等，該帶肥脂的有肥脂，該嫩的嫩滑，大家悉隨尊便。
個人而言，最愛要數到吊龍，其實即係牛腰脊肉既側邊，細緻嫩滑，輕輕淥一淥已經無得彈。
丸子當然是手打了罷，八款口味任君選擇。
一直有種偏見，就係打邊邊嗰啲小籠包係唔慌會好食。不過呢度既出品，皮唔韌，豬肉餡香嫩，好有驚喜！
又大又多層既炸嚮鈴，在湯內快拖一拖，嫩腍中保持小小脆口，就是好。
火鍋店的甜品竟然有蛋白杏仁茶，仲要係頂級水準，真的無話可說。
张贴
