影片
更多
2011-03-16
50 浏览
以前中學宿營年代，總係中意搵個機會落廚煮兩味，打隻蛋混入叉燒或者五香肉丁，唔識都亂炒一通，技巧雖低，但在女同學面前滿足度極高，依家諗返雖然係一件傻痴痴嘅事，但不失係年少時代嘅美好回憶。所以，簡簡單單一份叉燒炒蛋，一直都係我心中至愛之一，無奈有時蛋癮發作，老媽又無視我所求，唯有到大坑嘅順興茶餐廳脫毒...順興滑蛋出色之處，在於蛋炒得夠晒香，入口滑溜，而我特別欣賞慢慢流出黎果種七成熟蛋漿，實在好食到不得了。當然叉燒亦功不可沒，半肥瘦嘅叉燒蜜味香濃，咬落肉質亦鬆化可口，就算我唔係叉燒專家，但亦認定呢度叉燒屬於高水準。滑蛋叉燒飯跟有一碗香蔥甜豉油，淋上蛋汁再同白飯拌勻一齊食，人間極品！如此出色嘅一份滑蛋叉燒飯連凍飲都係$37，抵啦！除左滑蛋街知巷聞之外，順興車仔麵亦有一定質素，而最特別嘅當然就係車仔腸粉。今次好豐富咁選左五款餸，包括勁辣魚蛋，豬腸，牛腩，牛雜同埋齋卜。腸粉縱使水準一般，但混埋其他餸總係覺得另有一番風味，分數亦帶提升。豬腸軟身有咬口，魚蛋彈牙辣度剛好，而齋卜更加係非常入味，跟西灣河太安樓車仔麵絕對有得揮。而另外值得一提嘅係，調味功夫做得唔錯，食完之後唔會覺得太味精，所以五餸腸粉加
順興滑蛋出色之處，在於蛋炒得夠晒香，入口滑溜，而我特別欣賞慢慢流出黎果種七成熟蛋漿，實在好食到不得了。當然叉燒亦功不可沒，半肥瘦嘅叉燒蜜味香濃，咬落肉質亦鬆化可口，就算我唔係叉燒專家，但亦認定呢度叉燒屬於高水準。滑蛋叉燒飯跟有一碗香蔥甜豉油，淋上蛋汁再同白飯拌勻一齊食，人間極品！如此出色嘅一份滑蛋叉燒飯連凍飲都係$37，抵啦！
除左滑蛋街知巷聞之外，順興車仔麵亦有一定質素，而最特別嘅當然就係車仔腸粉。今次好豐富咁選左五款餸，包括勁辣魚蛋，豬腸，牛腩，牛雜同埋齋卜。腸粉縱使水準一般，但混埋其他餸總係覺得另有一番風味，分數亦帶提升。豬腸軟身有咬口，魚蛋彈牙辣度剛好，而齋卜更加係非常入味，跟西灣河太安樓車仔麵絕對有得揮。而另外值得一提嘅係，調味功夫做得唔錯，食完之後唔會覺得太味精，所以五餸腸粉加埋飲品要$44，價錢唔算好平，但起碼叫物超所值。
專登要到大坑食個滑蛋叉燒飯，值得與否，見仁見智，不過如果能夠觸動當年心跳回憶，每一匙飯都總係教人回味！
张贴
