旺記冰室 (大本型) (已結業)

收工嚟到油塘大本營，經過food court，見到旺講記冰室，之前一直都好想試吓佢個滑蛋飯，今日終於有機會。餐廳係food court入面，雖然係露天，但環境乾淨舒適，而且枱與枱之間空間都大，唔會話好壓迫。睇一睇餐牌，大部份都係佢哋嘅招牌滑蛋飯，當然仲有其他選擇，例如撈麵或者通粉，大部份價錢相宜，今時今日出街食飯，呢個價錢已經算中下。我叫咗個滑蛋叉燒蝦飯，一想到你絕對係好吸睛，試一試個滑蛋好滑，而且好重雞蛋味，蝦仁爽口，叉燒味濃，值得一提嘅係佢個豉油應該係自己調過味，撈埋個飯食好正！另外亦都叫咗個雞扒印尼撈拉麵，個印尼囉應該有兩份，大件夾抵食，不過個雞扒略嫌香草味過濃，如果可以再煎得香口少少就非常好啦！整體來講都算唔錯，性價比非常高！難怪咁多人推薦呢間冰室！