菓匠茶屋 (已結業)

逛逛下 Citisuper 突然被一個雪榚模型架吸引住，再望多兩眼，原來係有12款北海道軟雪榚，主打有純牛奶同綠茶味兩種，仲有紅豆、糯米糍、綠茶啫喱作配料。由於實在太可愛而且北海道係品質保証，終於忍唔住選左宇治抹茶豪華版。職員從雪糕機裡慢慢按出綠茶軟雪糕，可惜真實個樣同模型有點差距，建議應貼上 "只供參考" ，以免爭執。話得說回來，最重要都係個味道。入口真係異常軟滑，牛奶味濃，可能有左牛奶味綠茶味就無地企，無嘜綠茶味，失去平衡。十勝紅豆好綿好滑，連抺茶啫喱都係滑滑既。若可些微下調整體甜度會更好。光從濃濃牛奶香同滑溜程度都做得非常出色，不妨一試！暫時都係覺得韓國濟洲 o'sulloc 既綠茶雪糕夠香，最啱心意！