舊大街冰室 (已結業)

今天有事要到香港仔一趟，辦完事就順便問下人附近有咩地道嘢好介紹，於是佢就介紹左舊大街氷室嘅滑蛋叉燒飯。間鋪位都幾容易搵到，如果唔係住開嗰邊附近或者要用多少少時間。等我去到可能已經過左用餐時間（1點半去），食客都唔多，一入到去就有位坐。一坐低就即刻order左滑蛋叉燒飯加凍好立克。D嘢都幾快上枱（可能無咩客關係）。飯一上枱我嘩左一聲，滑蛋好滑溜溜，半生不熟，金黃色嗰樣睇見都想食。叉燒雖然偏廋，但我鐘意食廋叉燒，所以都幾對我口味。除飯附送一小碗豉油，其實唔落都夠哂味，但我都留留一小撮飯係撈豉油食Y(＾_＾)Y豉油唔會太咸，甜甜地，撈飯一流。食完飯打算坐一陣，況且客人又唔多，大把位，加上電視做緊葉問2(≧∇≦)咪打算一邊飲凍好立克一邊睇。對於杯嘢飲我有一個字感想：好有好立克味(￣∇￣)(^_^;)，都ok嘅無咩特別。當我一邊飲一邊睇葉問大戰洪師父嗰陣，有個伙計突然轉台，原來係有枱8個人黎食飯，想拍我嗰張枱再加我隔離嗰兩張比人，但問題係8個人黎得4個，仲要我隔離嗰枱都未食完，我又未飲完杯嘢，就咁快想趕我走-_-#以為我真係貪你嗰部電視“大”，解像像素“高”咩，咁搞法我當場無哂mood，嘢都唔飲