豐味蒸食

营业中

休息中

🔸叉燒腸 $22🔸香茜牛肉腸 $22🔸豬肉鮮蝦餃 $20🔸豉椒排骨蒸飯 $30🔸招牌豬髀淨食 $65-今日星期日難得冇乜事要忙，就喺屋企附近搵食，見到呢間新開嘅專食蒸品中式嘢，一於試吓佢。腸粉即叫即蒸好新鮮，滑嘟嘟嘅腸粉皮唔算厚而且幾煙韌吓，包住好足滿瀉嘅料，食得出材料真係好新鮮。兩個人share一個蒸飯，我對白飯嘅要求好高，太黏或太乾都唔可以，呢個砵仔飯唔曳啵！而且排骨份量幾多，配埋兩條新鮮油菜同甜豉油，正！淨係叫一個飯嘅原因好簡單，就係想試多兩款小食，豬肉蝦餃係店員手工包，好新鮮。仲有必食招牌豬髀，炆到勁稔，而且豬皮起晒膠勁多骨膠原，漿住嘴唇咁超正啊！