影片
更多
2017-05-25
245 浏览
香港人好鍾意打邊爐，就算好似宜家天氣咁熱，都冇阻我地打邊爐既意欲。今晚我就同朋友兩個人去左旺角大笪地火鍋，佢係係彌敦道飛達商業中心3樓，即係雅蘭中心行前少少，係旺角既中心點，方便易搵。我地上到去大概1800點，已經有幾枱客係度，之後食食下1900點鐘就已經坐無虛席啦。呢度既裝修有d似街市入面既熟食中心，地方都算大，環境舒服，仲有海鮮檔比你出去揀海鮮tim。呢度既主打係花膠雞鍋，佢仲掛左一包包既花膠係門口好樣眼。所以我地兩個決定叫佢個招牌鍋黎食。Menu落完order冇耐，香噴噴既雞湯同花膠就已經係眼前，d花膠仲多過我媽咪平時煲湯個d，淨係食花膠都飽啦靚靚花膠雞鍋（半隻）$218上左鍋之後，服務員會將d花膠落入去d雞湯度，再將隻雞剪件。呢個花膠比較厚身，需要煲耐dd先淋，食落去口感唔錯，至於隻雞就啖啖肉，雖然得半隻，但係都夠晒食，而且肉質都算嫩滑。另外，個雞湯清甜，不過就略嫌淡口左d，但係我地每人都飲左3碗先加湯開始打邊爐羊肉片$68呢個羊肉大大碟，好抵食，食落唔騷，而且肉質嫩滑芝士流心牛丸（半打）$38（右）呢個牛丸彈牙薄身，所以入面裝芝士既空間相對多左，超級「芝」味花膠雲吞$48呢個
今晚我就同朋友兩個人去左旺角大笪地火鍋，佢係係彌敦道飛達商業中心3樓，即係雅蘭中心行前少少，係旺角既中心點，方便易搵。
我地上到去大概1800點，已經有幾枱客係度，之後食食下1900點鐘就已經坐無虛席啦。呢度既裝修有d似街市入面既熟食中心，地方都算大，環境舒服，仲有海鮮檔比你出去揀海鮮tim。
呢度既主打係花膠雞鍋，佢仲掛左一包包既花膠係門口好樣眼。所以我地兩個決定叫佢個招牌鍋黎食。
Menu
落完order冇耐，香噴噴既雞湯同花膠就已經係眼前，d花膠仲多過我媽咪平時煲湯個d，淨係食花膠都飽啦
靚靚花膠雞鍋（半隻）$218
上左鍋之後，服務員會將d花膠落入去d雞湯度，再將隻雞剪件。呢個花膠比較厚身，需要煲耐dd先淋，食落去口感唔錯，至於隻雞就啖啖肉，雖然得半隻，但係都夠晒食，而且肉質都算嫩滑。另外，個雞湯清甜，不過就略嫌淡口左d，但係我地每人都飲左3碗先加湯開始打邊爐
羊肉片$68
呢個羊肉大大碟，好抵食，食落唔騷，而且肉質嫩滑
芝士流心牛丸（半打）$38（右）
呢個牛丸彈牙薄身，所以入面裝芝士既空間相對多左，超級「芝」味
花膠雲吞$48
呢個雲吞大大粒，皮薄，入面塞滿花膠同大蝦，好滿足
蟹子墨魚滑$68
呢個墨魚滑爽口又彈牙，入面仲有墨魚粒，咬口一流
蜂巢豆腐$38
呢個蜂巢豆腐都係打邊爐必嗌既，因為佢會索左個湯底既汁，食落好好味
唐生菜$32
好新鮮，食落爽口
整體唔錯，花膠雞鍋食左滋補又養顏
张贴
