啖啖燕窩 (駿運工業大廈)

营业中

休息中

燕窩嘅功效相信唔少人都知，男女都啱食，對於女士更加係滋補養顏恩物。觀塘隱世燕窩燉品甜品- 啖啖燕窩。一上到去大堂寬敞仲有seating, 外賣堂食悉隨都得，除咗燕窩，另外仲有多款燉湯，糖水，港式小食，奶凍等等。款款都好吸引。最啱買畀你靚靚嘅女朋友同屋企人滋潤補身。椰香雪燕奶凍 ($68)獨立玻璃樽包裝，奶凍沉底，食之前記得一 匙羹篤到落底再一齊食，奶香同椰香係好夾，椰香味濃甜度適中。3.6牛奶木瓜雪燕奶凍($68)木瓜喺奶凍嘅襯託之下，入口香滑，牛乳奶香味同木瓜雪耳奶凍毫無違和感， 一杯一人份量啱啱好。茉莉花凍椰青雪燕飲 ($58)呢個好岩而家熱辣辣嘅夏天飲，清甜消暑， 佢另外仲有十二種口味揀， 椰肉清甜，無糖無防腐劑，茉莉花香唔會蓋過椰青雪燕香味，好味喔。蒜香金蠔 ($88)金蠔飽滿肉厚肥美，隻隻金蠔都好大加埋蒜蓉汁，真係好惹味。蒜辣雞翼尖 ($48)份量夠多，我同朋友2個人食岩岩好夠， 雞翼尖煮啱啱好唔會煮到爛晒，蒜蓉味好出色，食得辣嘅朋友，千祈唔好錯過。特濃3.6牛乳奶凍($18)特濃3.6牛乳奶凍入口即溶， 口感滑溜，奶味香濃，好啱小朋友食。