輝哥私房菜

营业中

休息中

久違的蛇宴來了，今日喺『輝哥私房菜』食到『菊花太史五蛇羮』，『海膽焗美國龍蝦配讚岐鳥冬』，『百花五蛇丸』，『古法羊腩煲』，『北非花膠花菰扒菜膽』，『蛇汁菜膽雞』，『蛇湯灼唐生菜』，『生炒臘味糯米飯』等暖胃美食。蛇羹内當然有蛇肉，再加埋雞絲，冬菇絲，木耳絲，冬筍絲等材料，就有一煲清肝，滋補的美味入肚，够哂暖笠笠。羊腩煲就由羊肉，南乳，腐乳，冬菇，冬筍等材料入煲燜，上枱時仲有爐『興』住，羊肉及其他嘢够晒入味够晒腍，亦沒有一啲羶味，食得真開心。百花五蛇丸除咗蛇肉外，仲有蝦膠，馬蹄粒粒，木耳粒粒幾樣材料整成球狀酥炸，炸到外表金黄，咬落甘香彈牙。生炒糯米飯亦炒得好出色，粒粒乾身不黏亦不太油腻，臘味口感佳。