影片
更多
2018-08-12
175 浏览
晚餐唔知食咩好，行行下見到新都城最近新開咗間榕記車仔麵，行過見到門外有好多明星藝人都食過，決定入去一試。餐牌同傳統車仔麵差唔多，都係用鉛筆去圈嘅餐紙，特別嘅係呢度有三款唔同特式湯底，唔係一般車仔麵嘅辣汁腩汁咁普通，分別係姬松茸蟲草花養生湯、白果胡椒豬肚湯同埋豬骨湯。見個湯底咁特別，我就揀咗油麵配姬松茸蟲草花養生湯，配料方面就揀咗陳皮魚蛋、墨魚丸、秘製豬軟骨同牛腩。一送到上嚟見到配料同個麵係分開上，原來店主係驚牛腩同陳皮魚蛋等等有汁嘅食物會影響咗個湯嘅味道，相當有心思。蟲草花湯好有藥材嘅味道，一啲味精味都冇，飲完係好舒服，湯底同油麵出乎意料地夾，湯底方面做得非常唔錯，絕對唔係gimmick嘢嚟。配料方面，牛腩同豬軟骨都煮得好軟腍，完全唔會靭，味道都好夠，陳皮魚蛋係舊式嗰款咬落有好重陳皮味滲出嚟嗰種，好耐都冇食過依種魚蛋，好有舊式嘅風味。墨魚丸就夠曬彈牙，唔會帶好粉嘅感覺。而友人就選擇咗豬骨湯底配沙嗲汁，配料方面就揀咗蘿蔔、魚肉春卷、豬紅同埋牛腩。豬骨湯味都幾濃，完全冇味精湯嗰種感覺，飲落好清又唔會俾沙嗲汁蓋過咗。蘿蔔食落冇渣好爽口，索埋啲湯汁超正。仲有魚肉春卷食落幾彈牙好夠味。豬紅夠晒味
餐牌同傳統車仔麵差唔多，都係用鉛筆去圈嘅餐紙，
特別嘅係呢度有三款唔同特式湯底，唔係一般車仔麵嘅辣汁腩汁咁普通，分別係姬松茸蟲草花養生湯、白果胡椒豬肚湯同埋豬骨湯。
見個湯底咁特別，我就揀咗油麵配姬松茸蟲草花養生湯，配料方面就揀咗陳皮魚蛋、墨魚丸、秘製豬軟骨同牛腩。
一送到上嚟見到配料同個麵係分開上，原來店主係驚牛腩同陳皮魚蛋等等有汁嘅食物會影響咗個湯嘅味道，相當有心思。
蟲草花湯好有藥材嘅味道，一啲味精味都冇，飲完係好舒服，湯底同油麵出乎意料地夾，湯底方面做得非常唔錯，絕對唔係gimmick嘢嚟。
配料方面，牛腩同豬軟骨都煮得好軟腍，完全唔會靭，味道都好夠，陳皮魚蛋係舊式嗰款咬落有好重陳皮味滲出嚟嗰種，好耐都冇食過依種魚蛋，好有舊式嘅風味。
墨魚丸就夠曬彈牙，唔會帶好粉嘅感覺。
而友人就選擇咗豬骨湯底配沙嗲汁，配料方面就揀咗蘿蔔、魚肉春卷、豬紅同埋牛腩。
豬骨湯味都幾濃，完全冇味精湯嗰種感覺，飲落好清又唔會俾沙嗲汁蓋過咗。蘿蔔食落冇渣好爽口，索埋啲湯汁超正。仲有魚肉春卷食落幾彈牙好夠味。豬紅夠晒味，十分唔錯。
我哋仲加咗兩樣小食，分別係蒜泥白肉同埋辣汁魷魚。
蒜泥白肉個蒜泥好新鮮！食落係超級開胃再配埋小小辣汁撈落啲腩肉到，腩肉好爽口唔會靭，配搭得好好！
而辣汁魷魚個辣汁就夠曬惹味，魷魚就咁咬都咬得開，唔會話要扯先咬得開嗰種，兩樣嘢配搭得相當唔錯，$14一碗都有大大份，相當超值。
飲品點咗杯豆漿，幾fresh夠曬豆味，一啖魷魚一啖豆漿解下辣超正。
张贴
