火水爐花膠館 (已結業)

之前試過旺角嘅火水爐，今日入到黎屯門探朋友，原來呢邊都有火水爐嘅分店，即時流晒口水，晚飯時段就即刻去試吓😍呢個位置方便，鄰近屯門西鐵站，門面裝修一樣係懷舊feel，裏面好搞笑有唔同嘅四字成語霓虹光管，感覺唔錯👍🏻呢個花膠加海鮮火鍋套餐$298，任飲任食，可以無限追加靚牛牛🐮，一於馬上Order😬 混完醬之後，豐富嘅海鮮拼盤已經送上，海鮮有生猛海蝦，大大隻蠔和斑片，仲有熟食前點，炸陳皮魚蛋和燒賣，熱辣辣卜卜脆，正👍🏻呢個花膠靚雞火鍋，真材實料，花膠份量認真多，雞件亦都唔少，貨真價實，冇得頂，香噴噴，未食都已經知道係好野😍火鍋配料種類繁多，梗有一款啱你心水，啱晒我哋呢啲大胃王😬牛肉就更加比我想像之中靚，牛小排，頂級靚肥牛，我要強調，牛肉係無限追加，食幾多都唔使同佢客氣，當然真係要食得晒先至好，千祈唔好嘥野啊，仲有好多飲品係免費任飲👍🏻👍🏻👍🏻大大隻蠔，又鮮又滑，索左啲花膠湯，真係鮮甜美味，而家諗返都流口水🤤人哋話飽暖思淫慾，我哋就飽暖思糖水，佢哋呢個自家撈糖水，唔係講笑，真係越食越上癮，呢個配搭真係Perfect match，估唔到屯門呢間嘅水準都一樣保持得咁好👍🏻