花月宮 (已結業)

跟老友相聚搵食，佢book左呢間位於#尖沙咀 #金巴利道 #花月宮。是間新開張不久的餐廳， 裝修美麗典雅甚有氣派，坐位寬濶舒適，店員都很周到有禮貌👍。老友話一定要點，呢個藥膳花雕花膠醉雞鍋滋補一下。湯底堅係十分之多料，待湯滾起便後便盛起飲用，飲到酒味、藥材味，濃郁鮮甜又滋潤，飲完個人即時暖晒🤗，雞件都滑滑的，花膠煲得很軟淋，非常可口，滿滿的骨膠原😘。白鱔片，白雪雪晶瑩剔透，滾一陣就食得，鱔片很新鮮，肉質爽口彈牙, 跟手又飲多碗湯先😊。重慶辣子雞肉餃，這個餃子🥟的材料很新穎，食落辣味不會過重，個人認為幾好味😋。野菌黑松露餃，松露味好香，餃子🥟皮食落煙煙韌靭，都唔錯啊！流心芝士墨魚丸，墨丸很有彈性，芝心丸令我印象難忘，因芝士在我口腔內爆漿，很辣口😝。皇帝菜，夠新鮮又健康☺️ 。青梅竹馬，原來係青梅配上馬蹄爆珠，酸酸的又幾好飲。