吉列牛忌廉烏冬專門店 (彌敦道) (已結業)

今日出開旺角同朋友行街，通常唔知食乜就會去彌敦道726睇下，因為個到成幢嘢都係餐廳～今晚揀左想食既吉列牛肉忌廉專門店，呢到又有石頭燒嘅吉列牛～滋滋聲勁正🫶🏻個套餐都好抵食只係大概$250既價錢，就可以叫到個套餐，有吉列牛、忌廉咖喱烏冬或係忌廉辣味雞肉炒麵、飯同湯！我哋叫左忌廉咖喱烏冬，配吉列牛食好正！！！另外呢度仲有幾個醬汁可以點吉列牛，有燒汁，可以更juicy；有淺綠色既芥末蛋黃醬，比較開胃酸酸甜甜的；仲有wasabi清清辣辣，我個人就建議用燒汁❤️因為天氣好凍，我哋都叫多咗個鍋物，係蕃茄湯牛肉鍋，不得不讚呢到嘅蕃茄湯拍得住蕃滿門，酸酸甜甜好味！