方叔叔重慶老火鍋 (太子集團中心)

营业中

休息中

呢個暑假成日要公公照顧謙謙， 藉住今日謙謙和婆婆都唔得閒，我就帶公公去食‘’方叔叔‘’慰勞下佢。呢到方叔叔緊係要點鴛鴦麻辣鍋啦！ 點左麻辣小辣，麻香得來唔會濁親喉嚨咁就啱公公食。最鍾意呢到火鍋配料每樣半份可以叫多幾款，唔洗迫自己食哂全份。火鍋材料有藕片(半份) 、 鴨血(半份) 、 鰻魚(白鱔)(半份) 、 皇帝菜(半份) 、 鮮腐竹(半份) 、鮮竹笙(半份) 、 千絲柏葉(半份) 、 美國牛板腱 (半份) 、 嫩牛肉(半份) 、 珊瑚蚌(半份) 。材料新鮮最愛牛板腱肉味濃郁， 嫩牛肉份外嫩滑。始終食麻辣會口渴的，特別點了兩杯特飲， 洛神花鮮橙特飲(凍)和衝上雲霄百香果雞尾酒(含酒精)，我飲前者甜甜酸酸king size 夠哂解渴，後者帶點點酒意公公啱哂。呢到必點係紅糖爆漿糍粑， 我鍾情佢煙韌口感又夠軟糯一咬中間紅糖漿爆出來好滋味。