美滋鍋 (家樂坊)

营业中

休息中

之前已經嚟過美滋鍋幾次，有別於一般嘅火鍋店，呢度環境以粉色做主題充滿少女心，地方感覺乾淨舒適，光線充足，冇平時火鍋店嗰種侷促嘅感覺。出邊有大量醬料自助調校，而且亦都有餐前小食同埋水果可以自取。我試左涼拌木耳同埋手拍青瓜，食完更加開胃。湯底叫咗滋補養生香辣鍋，唔會好似平時啲麻辣火鍋咁成層油，辣度恰到好處，除咗香辣味仲有少少藥材味。火鍋配料方面，欣賞佢呢度可以叫半份，咁樣就算兩個人都可以試到更多款式，我地叫左美國牛板腱、牛舌 、芝士墨魚丸、芝士蝦丸、紅薯寬粉、油麥菜、炸響鈴同美滋鍋自制魚豆腐。牛舌肉質鮮嫩爽口，手打丸質素都唔錯，口感彈牙。 紅薯寬粉索晒湯汁，食落煙韌滑溜。美滋鍋自制魚豆腐比較特別，魚仔造型夠可愛，口感柔軟有啲似豆腐。食完餐飯之後仲拎咗啲西瓜同埋火龍果，餐廳仲會送上柚子沙冰，為口腔清新一下畫上完美句號。