華嫂冰室 (棉登徑) (已搬遷) 新店位置

平曰遊客比較多，今日到訪，發現排隊的人唔太多。等了一會，已經可以入座。餐廳嘅環境光猛整潔，而且唔會太逼狹，感覺舒適。午餐分別點左豬潤墨丸通粉$44和豬扒蕃茄雞翼湯通粉$65和樽仔奶茶$22。這豬潤墨丸通粉真係唔錯。豬潤口感嫩滑，切到帶一點厚度，而且唔會又硬又老，好吃。而墨丸大大粒，有少少彈牙，墨丸味唔太濃，味道還可以。蕃茄湯底味道濃厚，有濃厚蕃茄味，酸爽的，加上爽口通粉，滿足了。豬扒蕃茄雞翼湯通粉份量十足。豬扒又大件又厚身，味道也不錯，唔會好韌；而雞翼煎到微焦，口感嫩滑，加上酸酸甜甜的蕃茄湯，好醒胃。樽仔奶茶入口冰涼，口感又香又滑，沒有半點茶的澀味，加上甜甜的，沒有過份的甜，還不錯。這一天的港式午餐簡單而滿足。