影片
更多
2017-10-09
302 浏览
因為諗唔到食咩嘅關係，我地又食放題啦！呢間放題特別少少，係食海鮮架，仲係磯燒海鮮，好令人期待。我地weekday約7點食，$268/1 加一，呢個價錢食海鮮加放題一啲都唔貴，而且海鮮都幾新鮮，所以算幾抵👍🏻👍🏻一坐低，我地就瘋狂tick Meau紙啦，同其他放題一樣，呢度有齊刺身、賣出壽司、串燒、炸物等等，種類齊全，飲品有齊各式汽水、冰茶、果茶，特別嘅係有somersby蘋果酒任飲！刺身係大路款式，刺身雖然唔係厚切又唔大份，不過都幾新鮮，合格。朋友鍾意食炸野，呢碟炸物佢食不停。有一口芝士、酥炸魷魚鬚、炸有機紫薯餅、雞軟骨等，我最愛紫薯餅，外薄脆內有香甜軟綿紫薯蓉，正呀！到磯燒海鮮拼盤啦！，有大大隻大蝦、蟹蓋、扇貝、生蠔、蜆等。你可以自己跟住menu紙嘅指示燒，店員亦會觀察你燒成點，適時會過黎幫手。每種海鮮都好新鮮，蝦肉爽口彈牙；蟹蓋蟹味濃郁，扇貝厚肉鮮甜，正！最後整返個蠔肉泡飯同蟹皇海膽粥就飽曬滿足曬啦☺️呢間放題整體唔錯，like!
我地weekday約7點食，$268/1 加一，呢個價錢食海鮮加放題一啲都唔貴，而且海鮮都幾新鮮，所以算幾抵👍🏻👍🏻
一坐低，我地就瘋狂tick Meau紙啦，同其他放題一樣，呢度有齊刺身、賣出壽司、串燒、炸物等等，種類齊全，飲品有齊各式汽水、冰茶、果茶，特別嘅係有somersby蘋果酒任飲！
刺身係大路款式，刺身雖然唔係厚切又唔大份，不過都幾新鮮，合格。
朋友鍾意食炸野，呢碟炸物佢食不停。有一口芝士、酥炸魷魚鬚、炸有機紫薯餅、雞軟骨等，我最愛紫薯餅，外薄脆內有香甜軟綿紫薯蓉，正呀！
到磯燒海鮮拼盤啦！，有大大隻大蝦、蟹蓋、扇貝、生蠔、蜆等。你可以自己跟住menu紙嘅指示燒，店員亦會觀察你燒成點，適時會過黎幫手。每種海鮮都好新鮮，蝦肉爽口彈牙；蟹蓋蟹味濃郁，扇貝厚肉鮮甜，正！
最後整返個蠔肉泡飯同蟹皇海膽粥就飽曬滿足曬啦☺️
呢間放題整體唔錯，like!
张贴
