到了餐廳門口，服務員例行會請你先點湯底再帶入坐，餐廳內大多以卡位為主，十分闊落。
跟住點了一點點剌身，刺身新鮮，劍魚腩夠肥美，充斥魚油香味。深海甜蝦新鮮兼味美，肉質鮮甜彈牙，是名副其實得天獨厚。鮑魚片真的好有鮑魚味！
炸物中，咬開炸魷魚圈、好香同彈牙，食落有陣陣魷魚鮮味！有的蟹棒，蟹味亦濃！仲有令人一試難忘的芝心蝦丸的芝士居然可以拉絲，其實佢暗藏香甜蝦味，外脆內軟！
我和朋友都是海鮮迷，就每人加$30選擇了[沖繩海鮮清湯連兩層海鮮塔] 。坐底無耐，湯底送到，圍著暖暖的火鍋，見到鍋內材料相當多，有三文魚骨腩、日本魷魚、青口、蜆、帶子、帆立貝及野菜等。數量及種類都足夠，試埋湯底味道 …….嘩！果然驚喜~~~ 味道清甜得很。
跟住，再上埋兩層蒸鍋，蒸鍋內有連殼生蠔、帆立貝、中蝦、青口、蟶子、白蘿蔔及南瓜等，呢$30真係加得抵！
首先KO海鮮約12分鐘就有得食，第一道必吃美味的海蝦又大又甜，夠爽口，看它的形態看似還在擺動，便知一二。
蜆肉漲扑扑，新鮮不在話，夠肥美誘人，美事一樁！
青口也不弱， 比一般吃到的更迷人，絕無腥味。:)
呢個海鮮蒸鍋的材料好新鮮，又大又甜，絕對係美食之悅。
美國肥牛異常鮮美，肉質嫩滑，油脂分佈平均又肥美！
我們仲另多加$30 食埋美國安格斯牛肉，當然是涮涮鍋中的重點，真的零舍不同，肉色夠鮮紅又夠光澤，牛味重又夠嫩滑，兩人KO咗4份，完成一個豪華享受！
