Downtown Hot Dog (已結業)

經過荃灣如心廣場本來想找間餐廳醫肚，看見有間Downtown Hot Dog既小店，餐廳屬開放式格局，但座位離行人通道有段距離，坐下不覺焗促，一様可以和朋友談天說地。 叫了一客店員推介既意大利黑松露醬熱狗，黑松露醬透出淡淡清香，配上處理得皮脆肉香既熱狗腸，烘得外脆內軟既熱狗飽，配合得非常出色美味！另一份秘制鹵肉醬味熱狗，鹵肉味偏濃，熱度充足，口感獨特， 如果加多兩片番茄就可以中和味道。 還有一份粗條薯條，香口不油膩，食完哂盛載薯條個紙杯一滴油都無， 值得一讚！ 再叫一杯自家制新鮮濃湯，溫度十足帶南瓜甜味，兩杯即磨咖啡，兩人巳非常飽足了，下次嚟會試下店員推介既手打牛肉芝士漢堡。