粥世家

营业中

休息中

呢間粥鋪有好多款手刮拉腸，而且有凍糖水食，睇個Menu就感覺好充實。先嚟一碗碎牛粥，口感順滑而粘潤，牛肉新鮮好足份量而且鮮紅冇變質，呢一點係我食過咁多間粥必定試食嘅其中一道平凡粥品，好多次都奶嘢食到冇酸臭變質。緊接其後嘅係手拉鮮蝦腸，份量又係超大份，同樣米槳同蝦都好新鮮好好味。炸両係唯一美中不足普遍出現嘅老問題，冧咗好似食跟橡膠咁。不過我成晚黑十點收工先嚟食，就將就下啦。食完呢三味，我再追加咗魷魚刮腸同凍緑豆沙作為飯後甜品。魷魚刮腸係我人生第一次食，佢冧碗嘅甜豉油加上彈牙有口感嘅魷魚同層次分明嘅刮腸，我真係勁驚喜同點住頭笑住口咁食清哂！凍緑豆沙夠哂足料又夠粘綿，而且好足料仲真係有放海帶同陳皮，食完真係由心而笑好滿足。成個晚餐喺一個光猛而冷氣充足又乾淨冇臭味嘅環境，就算炸両扣咗分，但係總體而言非常性價比高。如果有中外朋友嚟香港玩，我會力推呢間平民高質粥鋪！