影片
营业时间
今日营业
11:00 - 01:00
星期一至六
11:00 - 01:00
星期日
全日休息
以上资料只供参考，请与餐厅确认详情
呢间粥铺有好多款手刮拉肠，而且有冻糖水食，睇个Menu就感觉好充实。先嚟一碗碎牛粥，口感顺滑而粘润，牛肉新鲜好足份量而且鲜红冇变质，呢一点系我食过咁多间粥必定试食嘅其中一道平凡粥品，好多次都奶嘢食到冇酸臭变质。紧接其后嘅系手拉鲜虾肠，份量又系超大份，同样米桨同虾都好新鲜好好味。炸両系唯一美中不足普遍出现嘅老问题，冧咗好似食跟橡胶咁。不过我成晚黑十点收工先嚟食，就将就下啦。食完呢三味，我再追加咗鱿鱼刮肠同冻绿豆沙作为饭后甜品。鱿鱼刮肠系我人生第一次食，佢冧碗嘅甜豉油加上弹牙有口感嘅鱿鱼同层次分明嘅刮肠，我真系劲惊喜同点住头笑住口咁食清哂！冻绿豆沙够哂足料又够粘绵，而且好足料仲真系有放海带同陈皮，食完真系由心而笑好满足。成个晚餐喺一个光猛而冷气充足又干净冇臭味嘅环境，就算炸両扣咗分，但系总体而言非常性价比高。如果有中外朋友嚟香港玩，我会力推呢间平民高质粥铺！
继续阅读
放工想食啖靓粥，但是：富记光荣结业了。十大碗租约期满无做了。妹记生滚粥不嬲唔做晚市。女人街同豉油街系有几间粥店，但睇落好似麻麻......即使身在美食天堂旺角，要揾间好味的传统粥店，原来都不易。唯一想到的是朗豪坊后街的佳豪粥店同粥世家。前者食过一两次，我觉得还可，但唔知点解总系未能视佢作为饭堂。今日一于试试附近的粥世家。睇佢openrice食评数目寥寥可数，2正1负，仲要系成6年前的，真系咁无生意？耳边响起直升机伏伏声......但我信自己直觉，应该帽事嘅。入去见到都几多人，绝对唔系冷冷清清拍晒乌蝇。一睇价钱，非常实惠，一个单拼粥先$23,炸两$17, 好平！点了皮蛋艇仔粥加炸两。 个粥一上，已觉得非常对路，食落够绵，材料丰富有猪皮鱿鱼免治猪肉花生同青葱，样样配料都有自己的美味，猪皮爽而入味，鱿鱼鲜味，花生香脆，青葱新鲜，食到落底依然无变水，也不口渴。一碗$23的粥有呢个质素，值得俾高分。炸两的油条不是妹记的即叫即炸，但一样香口，头尾部份都香脆，而且都有一定热度，加埋爽滑肠粉同几色酱料，也相当不错。再睇睇个菜牌，有特别的蔬菜入馔的粥品，例如沙葛粥同芫茜香芹粥，很有特色。各色送粥小菜如酸豆角、榨菜、萝卜干同咸酸菜也很少见。呢间貌不惊人的小店，有非一般的实力同特色，实在唔明点解开业咁耐都只有2、3个食评。不过无他，食亲的都是街坊老百姓，唔好食就投诉啫，好食食饱咪俾钱走人，又唔会有人为佢嘅好食写下一言半语赞扬一番。毕竟粥同肠粉，太过日常太过普通，好食是应份，唔IG-able的粥世家其实值得更多正评。
继续阅读
有时候食得太多连锁或者位于大街嘅铺头。都容易会忽略咗内街既细舖由于近日肠胃唔多妥。要食得清淡。例如食粥。如果钟意食绵粥既人系绝对适合。粥既款式都唔少。落料唔孤寒。叫咗碗南瓜肉碎粥。食完起码唔会劲口渴。亦唔会似出面既劲多味精。另外肠粉有刮肠亦有猪肠粉店舖内员工有礼貌虽然装修新。但有街坊及旧底粥舖格局。而且卫生干净。舖内冷气超够就算夏天食粥都唔会辛苦出野食又够快唔驶等好耐位于旺角朗豪坊附近黎讲价钱唔算贵。价钱属街坊价位。地点位置便利。绝对会再回头帮衬
继续阅读
人情味十足！足料粥世家！一早就出到黎旺角..因为要带住仔仔玩..玩..同玩..玩之前首先要医左大家个肚先..仔仔心血来潮突然话要食粥…讲真旺角真粥铺真系买少见少..呢一年里面都唔知执左几多小店..以前食开果两间都执哂..带住仔仔左行右行！见到呢间粥世家唔算多人！睇落亦干净企理！就入左黎喇！估唔到佢地有卖埋糖水！当然唔系花巧果d！系最传统的红豆沙、绿豆沙、芝麻糊！虽然好想试..不过时间太早..真系食唔到糖水住！我地叫左个清清地既翠肉瓜粟米粥同炒面！叫完唔洗五分钟就上台！超快！食物温度仲热辣辣的！快、靓、正！$12豉油皇炒面$12大大碟..！翠肉瓜粟米粥开头我怕会好水！点知又好好味bor！仔仔都食到半碗添！香港良心店经已买少见少..衷心希望呢类型店铺可以保留多些！总括粥世家环境干净企理！食物水准良好！店员服务细心！佢见仔仔个匙太大！主动换过只比我地！赞赞！最重要价钱非常亲民！我会再来的！
继续阅读
👌免治牛肉粥。$19粥底绵密，碎牛份量不少，有少量花生伴食，不错。若花生再多d就好了👌碎牛肉肠粉。$16全部即叫即蒸要等耐少少但新鲜滚热辣牛肉滑👌银芽炒米拼炒面。$12如果可再干身D就好地方干净舒适，几好
继续阅读
您可能会有兴趣的...