大將 (已結業)

上星期日同謙謙去將軍澳踩單車放電， 放電後超肚餓的謙謙話想食打邊爐，因為天氣真係凍左，而且我地岩岩不斷食風咁，見係咁我提議去大將食，我問佢意見，想食沖繩石垣和牛定山原島阿古豬，😅識食的謙謙，果然選擇和牛，因為佢都係和牛愛好者。嘩唔講唔知！原來石垣牛是神戶牛的祖先，仲要係日本國內最便宜的黑毛和牛品種，石垣牛入口鮮嫩，肉質比一般牛鬆軟 ，今次難得來到緊係要食多幾片啦！謙謙自己都食左兩round 牛。，而特選雞腿肉和五花肉都唔錯。我仲另加左松葉蟹腳一份， 一份4隻蟹腳， 超鮮甜我地一人食兩隻幾滋味。外邊仲有好多蔬菜，火鍋配料，一人一鍋， 一人一個盤仔咁鍾意夾咩就夾咩，謙謙好興奮夾左好多蔬菜，丸呀咁， 呢到個年糕福袋幾特別，甜品都有幾款蛋糕仔， 醬汁都幾多選擇自行配搭， 我就最愛和牛配芝麻醬， 謙就喜歡點蒜泥蔥花豉油， 呢到仲有窩夫機和雪糕機。我地食完2 round 牛和蔬菜已經好飽， 最後食返個自制的雪糕超滿足。