板上 (已結業)

都有一段時間冇黎E-Max啦！今日同朋友去睇戲，睇戲前順便食下野。以家原來都多左好多餐廳，今日我地去左板上。板上主打日式便當，便當仲可以雙併，除左便當，亦有捲餅、飛碟堡、小食可以選擇。每款套餐都配罐裝汽水或熱飲日式咖喱牛肉配熱咖啡便當入面分開一格格，好豐富，有中華沙律和粟米，便當用上珍珠米，米飯煙煙韌韌，咖喱牛肉用洋蔥炒香，牛肉份量足夠，牛肉不會韌，咖哩汁亦足夠撈勻成碗飯，食完都好飽肚。煙肉和牛漢堡餐配熱阿華田有別於傳統漢堡包，以到漢堡用上飛碟造型，飛碟外脆內軟，味道甜甜地，好特別，漢堡入面有芝士、煙肉、和牛，餡料包到實一實，進食時便不會食得那麼狼狽，雖然細細個，但食完都好飽肚。照燒雞肉捲餅配熱奶茶清脆的生菜和照燒雞肉包住一齊食，口感十足雪花一口牛捲餅配汽水另加配$8薯條薯條用上薯條，即叫即炸，金黃香脆，雪花一口牛配上生菜、蕃茄包住一齊食，味道不錯。