周記點心

营业中

休息中

之前同老公為著流沙西多士而來，試左奶皇流沙西多士，大愛，再試多幾款點心，食到full full地，其實都想試埋個香芋流沙西多士，但真係食唔落，只好留返下次。今次叫埋朋友一齊食，可以試多d野，可以食到兩款流沙西多士，非常香脆，切開見到澎湃嘅流沙奶皇、芋蓉湧出黎，真係熱血沸騰！每一口都係滿滿嘅邪惡兼滿足！比起奶皇的鹹香，我更愛香芋嘅香甜，食極都唔覺膩😝蝦多士係另一個重點推介，厚厚嘅蝦膠沾滿白芝麻，炸完香脆到不行！平時食蝦多士點會有咁厚蝦膠。XO醬炒銀針粉，香辣不油膩，美中不足係只得芽菜、芹菜，如果有多少少配料就好了。鴛鴦燒賣，分左黑松露同蟹籽，我愛黑松露味，蝦肉大顆，好足料！