博多拉麵別天神 (已結業)

工作關係好耐無放假去日本，唯有係香港食住拉麵頂頂癮先！雖然香港食拉麵真係好多選擇，但真係唔係間間ok，今晚試左間朋友推薦，香港都有唔同分店既別天神拉麵。店內可以選擇既款式唔多，得兩款湯底，豬骨同蝦味噌，所以我地各點一款套餐試下。套餐指拉麵+一款小食。我點小食揀左龍蝦沙律同餃子各一。龍蝦沙律本不抱太大期望，但意外地好味，同平日食既「行貨」的確有分別，特別係用料部分，食到啖啖龍蝦肉，配埋蟹籽，好有口感。煎餃子餃子都煎到幾香脆，咬落都有肉汁流出，不過略嫌有點味精感。豬骨湯底拉麵每款拉麵都配兩粒溏沁蛋，煮到細入味同溏沁😋😋而呢間拉麵店選用既拉麵係直麵，朋友大愛，我反而喜歡食曲麵。湯面有唔同配料，例如蔥花、木耳同叉燒。叉燒可以燒得再香口少少，湯底略嫌唔夠濃。龍蝦湯底拉麵同樣地係有兩粒超級好味溏沁蛋，配料同豬骨有少少唔同，照舊有叉燒，無左木耳但多左櫻花蝦米同粟米，湯底味道比豬骨濃，帶鮮味，個人比較喜歡龍蝦湯底。