影片
更多
2023-12-05
154 浏览
陪朋友嚟深水埗買零件，搞掂就去附近搵間餐廳食晚飯。朋友鍾意食中菜，記得荔枝角道有間新開茶餐廳，晚市有小菜供應，提議過去試下。店內裝潢以深啡為主調，牆上有鹿角和羚羊角等裝飾，非常吸睛，與壁上嘅臉譜互相輝映。我哋點咗幾個小菜，配白飯每碗 $10。西芹炒帶子 ($108) 西芹炒得好爽口，色澤翠綠，入口爽甜又冇渣。帶子大大粒，份量頗多，肉質柔軟富彈性，入口味道很鮮甜。蜜椒彩虹牛柳粒 ($108) 牛柳粒炒得好有鑊氣，腍滑得嚟又有咬口，肉味濃郁。三色椒味道討好，口感爽脆，顏色奪目，加埋黑椒蜜汁，滋味香甜。薑蔥魚腩煲 ($98) 魚腩厚身大件，每塊都有半隻手掌✋大小，表皮煎得十分香脆，魚肉彈牙結實，入口啖啖肉，加上魚腩嘅油脂，真係令人吃不停口💗最後再加碟蒜蓉炒時菜 ($58) 作結，芥蘭煮得啱啱好，色澤翠綠，質感爽脆，入口唔會過腍，加上吸收咗蒜蓉嘅香味，送飯一流！
陪朋友嚟深水埗買零件，搞掂就去附近搵間餐廳食晚飯。朋友鍾意食中菜，記得荔枝角道有間新開茶餐廳，晚市有小菜供應，提議過去試下。
店內裝潢以深啡為主調，牆上有鹿角和羚羊角等裝飾，非常吸睛，與壁上嘅臉譜互相輝映。
我哋點咗幾個小菜，配白飯每碗 $10。
西芹炒帶子 ($108) 西芹炒得好爽口，色澤翠綠，入口爽甜又冇渣。帶子大大粒，份量頗多，肉質柔軟富彈性，入口味道很鮮甜。
蜜椒彩虹牛柳粒 ($108) 牛柳粒炒得好有鑊氣，腍滑得嚟又有咬口，肉味濃郁。三色椒味道討好，口感爽脆，顏色奪目，加埋黑椒蜜汁，滋味香甜。
薑蔥魚腩煲 ($98) 魚腩厚身大件，每塊都有半隻手掌✋大小，表皮煎得十分香脆，魚肉彈牙結實，入口啖啖肉，加上魚腩嘅油脂，真係令人吃不停口💗
最後再加碟蒜蓉炒時菜 ($58) 作結，芥蘭煮得啱啱好，色澤翠綠，質感爽脆，入口唔會過腍，加上吸收咗蒜蓉嘅香味，送飯一流！
张贴
