九份•十分 (已結業)

上水近日新開左九份十分，鐘意台灣野既我緊係忍唔住去幫襯下一打開menu,勁多選擇，剩係揀飲咩都揀左好耐，最後我叫左杯Orea曲奇珍珠奶茶，Oreo雪糕就食得多，奶茶真係未飲過，杯奶茶面鋪左層碎Oreo,個奶茶都有少少oreo色，飲落去有d oreo碎令成杯野飲落好有口感，鐘意食Oreo既朋友應該會鐘意，珍珠都好彈牙！我就叫左杯水果茶比媽媽，水果茶入面有勁多種水果，眼見有蘋果、橙、青檸，好有果味，好fresh,佢比左個杯仔你每飲一次倒一次，隨住時間慢慢過去，茶包浸得愈耐茶味愈出，個人覺得攪耐d好飲d黎食台灣野，點可以唔叫返個鹽酥雞！佢本身每張台都放左一排鹽酥雞粉，想食咩味可以自己落，每舊雞都好大件，而且炸得好香口，就算唔另外落粉就咁食都已經好好食，係平時食開果種味，但自己落粉就可以試下唔同味我地仲叫左個蚵仔肉碎泡飯，成個飯好有鮮味，本身以為泡飯會好淡味，但個湯有海鮮味之餘唔會令人覺得重口味，d蚵仔都幾大粒，冇縮水，咬落去好有口感，d飯都泡得岩岩好，唔會話淋到好似食緊粥咁最後當然唔少得甜品，我地叫左個草莓雪糕鬆餅，本來以為會好細份，但上碟果陣真係嘩一聲，好大份而且賣相唔錯，個窩夫岩岩出爐所