阿來東南亞風味 (已結業)

好耐冇食東南亞菜 今日約咗幾個姊妹一齊撐枱腳 呢間阿來東南亞風味每樣食物都幾大碟，味道好唔錯， 價錢好friendly。 金磚豆腐: 皮薄餡嫩，一磚磚金黃色已經好誘人，食落去又滑又嫩口，點啲酸汁令人更開胃。 生菜包 : 望落平平無奇，啲肉碎原來係辣嘅，非常夠味，用生菜包住食味道啱啱好，唔會太鹹，仲有有生菜嘅fresh感柚子大蝦沙律 : 蝦好大隻，爽口新鮮。柚子係一梳梳嘅，多汁微酸，食得過癮。海南雞冬陰公湯粉配豬脾: 湯底夠酸微辣，有蝦味。 海南雞吸曬湯汁食落好嫩。豬髀微咸幾腍。每道菜式都好好味，夠份量，今晚果然有口福。