Mee...lemongrass (已結業)

青衣城睇完戲，經過餐廳門口，畀佢餐牌吸引了，原隻龍蝦喇沙只需要$84，餐廳環境不錯， 立刻入去試試。原隻龍蝦喇沙湯麵原價$168 優惠價$84 (溫馨提示： 每日限量60碗， 賣完即止)原隻龍蝦開邊放在湯麵上， 顏色鮮紅悅目， 身型巨大， 令人驚喜， 賣相十分吸引 ，當然是相機食先啦 ，放下湯麵，陣陣誘人椰香味飄來， 材料仲有銀芽、 雞蛋及腐卜， 足兩人份量 ，先呷一口湯， 十分鮮甜 ，香而不辣， 湯麵裏面有粗麵和幼麵 ，湯麵和腐卜吸收了湯的精華 ，十分滋味，龍蝦已經開邊，好輕易將龍蝦肉取出來吃， 龍蝦肉雪白彈牙， 令人吮指回味。香炸蝦餅$68四件蝦餅即叫即製，熱辣辣，香噴噴， 外皮炸到金黃色， 賣相令人垂涎，蝦餅入口緊緻彈牙， 啖啖蝦肉鮮味 ， 完全不覺得油膩 ，沾上泰式酸辣醬，十分惹味，令人想一吃再吃。