影片
更多
2013-12-11
128 浏览
上禮拜六同男友睇完個李小龍展之後，就去左大圍搵食唔係太肚餓，但又想搵間坐得舒服d既地方，經過呢間屋子咖啡就決定入去試下啦！一入去既感覺真係好似入左間台灣日式cafe咁。香港既cafe而家都好少做到咁既feed ~~由店內ge裝修，就睇得出老闆係一個好細心既人！我男朋友因為已經食左晏，咁我地2個人只係叫左個飯團餐 ($56) (鹽味鮭魚飯團+即日special飯團，前菜 + 抹綠奶茶)，日式芝士年糕($32) &芒果柳橙冰沙($38)，最尾甜品係花漾莓果窩夫 ($55)首先講下個飯團餐，本來以為個份量會好少，但其實一個女仔應該會夠飽，再加埋個甜品就岩岩好。鹽味鮭魚飯團好好味，比平時出面買果d多三文魚！另外即日special飯團係粟米豬肉碎飯團。前菜我就最鐘意佢地個炒牛蒡絲！煮得真係好入味男仔無咁鐘意飲熱野，就叫芒果柳橙冰沙，本來都仲以為佢地會只用糖水打，出到泥先知係有真果肉架！而芒果+橙呢2種水果ge味又出奇地夾！好味，夏天飲一流！日式芝士年糕就係我平時食日本野必嗌既！軟lum lum既年糕入面入面再包少少cheese ! 食完好溫暖！其實咁多野我最期待ge就係個窩夫，因為真係無係香港見
唔係太肚餓，但又想搵間坐得舒服d既地方，經過呢間屋子咖啡就決定入去試下啦！
一入去既感覺真係好似入左間台灣日式cafe咁。香港既cafe而家都好少做到咁既feed ~~由店內ge裝修，就睇得出老闆係一個好細心既人！
我男朋友因為已經食左晏，咁我地2個人只係叫左個飯團餐 ($56) (鹽味鮭魚飯團+即日special飯團，前菜 + 抹綠奶茶)，日式芝士年糕($32) &芒果柳橙冰沙($38)，最尾甜品係花漾莓果窩夫 ($55)
首先講下個飯團餐，本來以為個份量會好少，但其實一個女仔應該會夠飽，再加埋個甜品就岩岩好。鹽味鮭魚飯團好好味，比平時出面買果d多三文魚！另外即日special飯團係粟米豬肉碎飯團。前菜我就最鐘意佢地個炒牛蒡絲！煮得真係好入味
男仔無咁鐘意飲熱野，就叫芒果柳橙冰沙，本來都仲以為佢地會只用糖水打，出到泥先知係有真果肉架！而芒果+橙呢2種水果ge味又出奇地夾！好味，夏天飲一流！
日式芝士年糕就係我平時食日本野必嗌既！軟lum lum既年糕入面入面再包少少cheese ! 食完好溫暖！其實咁多野我最期待ge就係個窩夫，因為真係無係香港見過其他餐廳有整過呢個甜品！呢個甜品真係好特別，影相靚之餘味道都好好！d cream一d都唔漏，個waffle好蛋糕質感，好新鮮好moist, 加埋vanilla雪糕一凍一熱好正！
除咗呢個莓果窩夫之外，其他窩夫都好似好好味咁，下次去就試埋其他！
Overall好滿意，同好surprise係大圍搵到間咁心思ge小店！自家制ge甜品食得出係超用心製作，聽男友講佢之前係荃灣食過差唔多ge窩夫，但問過老闆之後先知果間原來係抄襲架，呢間先係原創张贴
