稻香 (已結業)

今晚成家人難得一齊出去食飯，所以想揀間多款式、大眾化啲既中式菜，岩哂一家大細，見近近地屋企，就去左稻香食翻餐勁既😋款式照舊大眾化、亦好多野揀，我就重點介紹幾款吖☺️第一樣，蔥薑霸王雞同一般切雞差唔多，肉質一般，有少少鞋😅😅碟上個燒汁雖然好油，但係好鮮甜，送飯好好食😂不過就呼籲高血脂既朋友唔好學我咁啦第二樣，梨山醬汁骨類似京都骨既味，酸酸甜甜，以甜味為主、酸味為副。排骨炆得好軟熟，咬落唔韌，甜酸汁炆到入哂味。第三樣，京式醬蹄麻辣好香、好惹味，唔算太辣，食得出有少少甜味，送飯一流😋💦💦👍👍👍第四樣，炒烏冬調味好夠，炒到色水好深，淨份量唔算多，因為加左好多椰菜一齊炒，但係擺上枱係幾大碟架。Btw岩岩上碟好靚架，係俾我地一班餓鬼整到勁核突😂😂😂總括而言，稻香都算係一家大細抵去抵食既地方，而且價錢唔算話好貴，地方又企理、幾乾淨👍