影片
更多
2021-01-29
75 浏览
之前睇openrice土瓜灣店見到有個打卡月亮都好想試，今次行經太子，襯lunch time試下佢呢間分店點先！-呢間分店光線充足，行溫馨路線。有日本居酒屋會有既衣架同錦旗！一入到去就覺得自己去左日本😎-叫咗兩個lunch set, 都包有4小碟前菜, 茶碗蒸同埋一碗麵豉湯☺️ -前菜有沙律，南瓜，生果同埋三文魚腩😍沙律醬有淡淡的柚子味，南瓜應該係用日本嘅醬料蒸煮而成，生果食落鮮甜，三文魚油脂滿瀉🤟🏼-月見鵝肝和牛丼好大份好大份😆 有個靚靚嘅雞蛋！篤穿撈勻啲和牛同飯，飯本身已經淋上左特製嘅醬汁，每一啖都好惹味！和牛有大約六至七塊，醬汁遮蓋唔到濃郁嘅牛味，又唔會太肥膩！鵝肝好大塊，入口即溶，口感細膩！正！-鹽燒油甘魚鮫定食（烏冬）鹽燒油甘魚唔會太鹹，基本上成舊都係肉，肉質嫩滑，入口甘香，近鮫嘅關節位膠質同油脂重！😙 烏冬就發揮正常水準🤣-有啲後悔將茶碗蒸同麵豉湯放到最後品嚐！因為個茶碗蒸非常好食😋好少香港日本餐廳茶碗蒸會加上百合片，蛋香又滑～就算凍哂都食得出係誠意之作！麵豉湯夠晒濃味，又有蜆肉喺裏面，絕對唔係Hea你😆-同個靚仔經理傾咗陣計，佢話如果晚市嘅話，會有多啲唔同種類嘅嘢食！希望晚
-
呢間分店光線充足，行溫馨路線。有日本居酒屋會有既衣架同錦旗！一入到去就覺得自己去左日本😎
-
叫咗兩個lunch set, 都包有4小碟前菜, 茶碗蒸同埋一碗麵豉湯☺️
-
前菜有沙律，南瓜，生果同埋三文魚腩😍
沙律醬有淡淡的柚子味，南瓜應該係用日本嘅醬料蒸煮而成，生果食落鮮甜，三文魚油脂滿瀉🤟🏼
-
月見鵝肝和牛丼
好大份好大份😆 有個靚靚嘅雞蛋！篤穿撈勻啲和牛同飯，飯本身已經淋上左特製嘅醬汁，每一啖都好惹味！
和牛有大約六至七塊，醬汁遮蓋唔到濃郁嘅牛味，又唔會太肥膩！
鵝肝好大塊，入口即溶，口感細膩！正！
-
鹽燒油甘魚鮫定食（烏冬）
鹽燒油甘魚唔會太鹹，基本上成舊都係肉，肉質嫩滑，入口甘香，近鮫嘅關節位膠質同油脂重！😙
烏冬就發揮正常水準🤣
-
有啲後悔將茶碗蒸同麵豉湯放到最後品嚐！
因為個茶碗蒸非常好食😋好少香港日本餐廳茶碗蒸會加上百合片，蛋香又滑～就算凍哂都食得出係誠意之作！
麵豉湯夠晒濃味，又有蜆肉喺裏面，絕對唔係Hea你😆
-
同個靚仔經理傾咗陣計，佢話如果晚市嘅話，會有多啲唔同種類嘅嘢食！希望晚市禁會快啲消失啦🤫
张贴
