伊甸 (已結業)

周六下午到觀塘睇戲，然後在apm走了一轉，平時習慣在觀塘商場食，但其實觀塘的工廈處處美食，異國風情，各式其式，任君選擇。呢排睇開台劇，食的傾向也是台灣野，咁啱搵到了呢間伊甸，看到門口燈光通明，設計簡潔，躍躍欲試。餐廳以日台風格擺設，白色和純木檯凳，燈光柔和，牆上寫了一些勵志字句。入來光顧的都是一對對的年輕情侶，真係只羨鴛鴦不羨仙呀。餐牌都係用介乎環保回收紙所印制的，直接掃qr code點餐。台式香菇肉燥乾拌新竹米粉+鹽酥雞排+涼拌菜脯爽口米粉加上惹味肉燥，再倒埋菜脯落去都真係幾滋味。台式金牌高根牛肉麵配上涼拌菜脯牛肉腍入味香濃，麵身夠q，湯汁濃郁！餐飲的包裝原來係賞茶的！之前有飲呢間台式飲品，味道認真不錯，伊甸可能係同賞茶同一家公司吧？非常抵食，好滿足的一餐！